16 anyos nga lalaki sa Tagoloan, Misamis Oriental nakuryentehan-patay!

NAKURYENTEHAN-PATAY ang usa ka 16 anyos nga lalaki sa usa ka crashing plant sa balas sa Zone 1, Riverside Barangay Baluarte, Tagoloan, Misamis Oriental!
Ang menor de edad residente sa susamang Barangay.
Matud ni Tagoloan Municipal Police Station Investigator on Case Police Staff Sargeant Lunavie Pahamutan nga nakuryentehan ang bata sa high voltage machine diin nahimutang ang source sa kuryente sa planta.
Human makuryentehe, nakasoksok kini sa machine.
Dili pa mabutyag kung nangawat og wire ang menor de edad apan aduna kini dala nga tools pangputol.
Gikumpirmar usab sa amahan nga gipanag-iyahan sa anak ang kahimanan.
Gituohan nga kagabii pa nakuryentehan ang bata ug kaganihang buntag napalgan.
Una niini, nadunggan sa silingan sa planta nga gapaghot ang mga iro sa area ug nakadungog nga adunay mishagit.

“…ang area na nakurentehan sa isa ka victim is, isa ka machine dito ang source sa kuryente sa ilang crushing plant. So ang kani nga machine is high voltage siya kani dayong giingon nga minor pag kakurentehan niya didto dayon siya na soksuk sa kilid sa isa ka machine. Katong silingan aning crushing plan nga nag-istorya pod siya nga gabii ko ‘no July 15 mga alas-diyes sa gabii naa siya’y nadungog nga mga saba ang mga iro ga paghot naa pod siya’y nadungog na allege nga nisyagit didto nga area, pero wala na niya gi-verify so mao tong pagkabuntag mao iyang nahibal an nga naa nakuryentihan didto. Dili pod ta kaingon nga nangawat ‘no wala man po yung mga nangaputol nga mga wireboard didto so pero naa siyay mga tools for cutting naa siyay mga tools sa isa ka sling bag na na-recover didto sa area nga gi-confirm pod sa papa nga iyaha, sa iyaha tong anak..”
Tagoloan Municipal Police Station Investigator on Case Police Staff Sargeant Lunavie Pahamutan

SOURCE: P.I#27
Photo: MAPS