Bucks Pat Connaughton, mopili og player option sa kantidad nga 9.4 million US dollar!
MOPILI si Milwaukee Bucks wing Pat Connaughton sa player option!
Alang sa 2025-26 season nga nagkantidad og 9.4 million US dollar.
Gihatagan si Connaughton og hangtod sa Martes aron sa pag-exercise sa option sa final season sulod sa tulo ka tuig.
Nag-average ang basketbolista og 5.3 points, 2.7 rebounds ug 1.7 assists sulod sa 41 ka dula miaging season.
Samtang, 14.7 minutes ang pinakaubos nga marka sa basketbolista sa pito ka seasons sa Milwaukee.
Dumduman nga gipili si Connaughton sa Brooklyn Nets sa ikaduhang round sa 2015 NBA Draft ug gi-trade sa susamang adlaw sa Portland, diin nag-averaged og 3.7 points, 1.6 rebounds ug 12.6 minutes sa 155 ka dula sulod sa tulo ka season.
Mipirma kini isip free agent sa Bucks niadtong Agosto 2018 ug gitabangan ang koponan nga modaog sa NBA Championship sa 2020-21 season.
SOURCE: GMA NEWS
Photo: ClutchPoints
