Brgy. Gusa Kapitan Tabac mibulgar nga orange ang dili gusto nga magpalingkod kaniya isip ABC President sa ciudad!
GIBULGAR ni Barangay Gusa Kapitan Marlo Tabac nga ang orange ang dili gusto nga magpalingkod kaniya isip ABC President sa ciudad!
Matud ni Tabac nga gi-angkon ni ABC President ug Councilor-elect Alam Lim nga pressured na si Mayor Rolando Uy sa buot mahitabo sa orange.
Human kanunay kining tawagan alang sa update sa plano.
“..And i received the call from the President of the Liga. Iya kong gitawag nag meeting mi tulo kabouk didto sa Nazareth naay usa ka restaurant ug iya kong giignan ‘Kap vice sakit kaayo sa akong bout, pero pressured kaayo ko karun gani nag paingon ko dinhi gitawagan ko ni Councilor Eric ug unsa nay plano sa sugo ni Mayor sa ako’. Mao nay tinuod ‘Vice sorry pressured na kaayo si Mayor kay sige siyag tawagan sa orange nga dili jud ka ipalingkod pagka liga president..”
Barangay Gusa Kapitan Marlo Tabac
Gidugang ni Tabac nga gisultihan niini si Lim nga diretsuhon ang tumong nga si Barangay Kapitan Kikang Uy ang planong ipalingkod pagka-Presidente sa Liga.
Gani naghatag kini og suhestyon sa mahimong dagan aron smooth ang paglingkod sa nasangpit.
“..Akong naignan councilor ngano ma pressure man ta sa orange nga wala man silay number. Naa man sa ato ang daghan nga mga kapitan, ayaw nalang ta magliko-liko councilor. Dugay nako nga konsehal maypag imo kong sultian diritso nga si Kikang diay inyong gusto ipalingkod aron mapulihan ako. Luyo niana ako pa gyud gi ignan nga ‘councilor kini ang akong suhistyon aron dili magkagubot ang Liga, united gihapon ang team nato sa Liga ug atong tumanon ang constitution advirus sa liga. Sa june 30 paglingkod nimo, molingkod pud ko pagka legal president bakante naman ang opisina sa vice president, magpatawag kog assembly sa July aron mag pili ug bag-o na bise presidente. Ug gusto ninyo nga siya ang mopuli nako, atong ipa kandidato pagka vice president aron pagka August human sa fiesta moresign ko pagka liga president aron mo lingkod siya puli nako, walay away, united, walay issue..”
Barangay Gusa Kapitan Marlo Tabac
SOURCE: SR LIVE
Photo: GMA Network
