Duha ka managlahing sunog natigayon sa CDO ug Alubijid, Misamis Oriental!
DUHA ka managlahing sunog ang natigayon sa Cagayan de Oro ug Alubijid, Misamis Oriental!
Unang sunog nahitabo sa commercial building sa Alubijid samtang ikaduhang sunog mi-ulbo sa Upper Barangay Nazareth.
Matud ni Alubijid Fire Station Marshal Fire Inspector Erwin Cervantes nga gibana-banang 3 million pesos ang damyos sa sunog.
Initially, 14 ang nadamyos nga structure, 13 ang business structure, 10 niini ang totally samtang tulo ang partially damage ug 1 ang residential.
Giisa sa 3rd alarm ang status sa sunog ug walay natalang casualty.
“..Trese kabouk establishment, tulo ang partial, napulo ang totally, isa ang residential. Cause sa sunog wala pa, ang origin wala pa gyud. Estimated damage is 3 million oo more or less…”
Alubijid Fire Station Fire Marshal Fire Inspector Erwin Cervantes
Samtang, mokabat sa 500, 000 pesos ang structural damage sa 14 ka panimalay nga nasunog sa Barangay Nazareth.
Base sa inisyal nga imbestigasyon sa Nazareth Fire Station nga 11 ang totally ug tulo ang partially damage.
Giisa usab sa 3rd alarm ang status sa sunog.
Padayong gi-imbestigaran ang hinungdan sa pag-ulbo sa kalayo sa duha ka nahitabong sunog.
LIVE REPORT: #28 PATRICK TABLON, #19 JMB
Photo: SR Files, Marlon Magsacay Fabricante
