DTI, nagtinguha nga pabutangan sa retailers ang mga produkto og signage sa “shrinkflation”.

NAGTINGUHA ang Department of Trade and Industry kon DTI sa pag-require sa mga retailer nga magbutang og signage nga makita kung adunay pagbag-o sa gidak-on ug gibug-aton sa produkto tungod sa shrinkflation!
Matud ni DTI Assistant Secretary Amanda Nograles nga nagmando si DTI Secretary Alfredo Pascual nga tun-an nga maprotektahan ang consumers gikan sa negatibong epekto sa shrinkflation.
Pipila ka manufacturers ang nagpataas og presyo sa mga produkto, ang uban mas gipili ang pagpadayon sa presyo apan gikunhoran ang size o weight sa produkto aron mabawi ang higher input costs.
Gipamugos ni Nograles nga katungod sa konsyumante nga mahibal-an kung adunay pagbag-o sa size ug weight sa produkto’ng napalit.
Samtang, bukas ang Philippine Amalgamated Supermarket Association kon PAGASA sa nahisgutrang requirement.

SOURCE: ABS-CBN NEWS
Photo Source: BAIVI GROUP