Pag-repeal sa ease of wearing helmet sa sentro sa ciudad, gi-aprubahan na sa konseho.

APRUBADO na sa City Council ang pag-repeal sa ease of wearing helmet!
Human giduso ni Councilor Roger Abaday ang pagbalik sa pagsul-ot og helmet bisan anaa sa sentro sa ciudad.
Matud ni Committee on Public Safety Chair Councilor Romeo Calizo nga gi-aprubahan ang ordinansa nga nagmando nga hugot nga paggamit og helmet.
Tungod niini, mahimong dakpon na ang motorsiklista nga masapong wala’y helmet nga naglatas sa nagkalaing-laing dalan sa ciudad.
Samtang giklaro pa sa opisyal nga sa maong ordinansa kinahanglang tangtangon ang helmet panahon kung mosulod og mga gambalay o establishemento aron daling maila ang mga katawhan nga mohimo og krimen.

“…na-aprobahan na gyud ang pag-repeal para lang malikayan ang confusion ana nga balaud, ang pag ease of wearing helmet diha sa mga particular nga areas nga nakabutang gyud sa ordinansa unya og atong i-analyze it helped well nga mapugngan gyud ang intention sa kriminal elements ug potential kriminal, sa special report man gud ni Councilor Abaday naa man gud gaka disgrasya tungod kay walay helmet lage kuno and it could lead to death…”
Committee Public Safety Chair Councilor Romeo Calizo.

SOURCE: SH&V
Photo Source: PNA