Motorsiklista nga mibangga sa Wingvan sa Purok 3 Gitagum Misamis Oriental, patay!

PATAY ang usa ka motorsiklista human mibangga sa Wingvan sa Purok 3 Gitagum Misamis Oriental karung hapon!
Ang motorsiklistang patay nailang si Natrudin Dimalna Lumabao, 33-anyos og residente sa Barra Barangay Macabalan ning ciudad.
Matud ni Gitagum Municipal Police Station Investigator Police Corporal Aladin Jaramilo nga gikan sa Iligan ang biktima ug papauli na unta kini apan pag-abot sa lugar nabanggaan ang kalit nga nag-U turn nga wingvan.
Naka-angkon sa grabeng samad ang biktima human napaslak sa ilawon sa truck hinungdan sa hinanaling kamatayon.
Samtang nadala usab sa balay-tambalanan ang angkas niini nga naka-angkon usab sa mga samad ug bun-og sa lawas.
Sa karon pabiling naka-kustodiya ang driver sa truck nga si Boyet Namoc sa Gitagum MPS alang sa proper disposition.

“…motor nga gi drive sa namatay nga si Natrudin Dimalna Lumabao, gikan pod sila sa parente pod nga namatyan didto sa Iligan. Nabanggaan niya ang walang bahin sa kilid sa wingvan ug didto sila na paslak uban sa iyang angkas. Naa sila sa fast lane convoy siya sa among investigation nikalit og U-turn ang wingvan, wala tay makita nga sketch mark nga naka action ba siyag break paslak sila sa ilalom. Ang driver sa wingvan Boyet Namoc nga taga Alubijid, mismo siya nakuratan so wala siya naglantaw sa pagliko…”
Gitagum Municipal Police Station Investigator Police Corporal Aladin Jaramilo

SOURCE: SBPSH
Photo:Requiel Antipuesto Pedad