Kapi’g tulo ka tuig nga problema sa Philippine Tennis Association, nasolusyunan na sa POC.

NATAPOS na ang kapi’g tulo ka tuig nga problema sa Philippine Tennis Association kon Philta!
Human gimando sa International Federation kon ITF pinaagi sa Philippine Olympic Committee kon POC ang eleksyon sa mga bag-ong Philta officials karong Disyembre 11 ning tuiga.
Gibutyag ni POC President Abraham “Bambol” Tolentino nga nalipay ang komisyon nga gi-amendahan ang by-laws ug gihatag ang Philta og recognition.
Giklaro pa sa opisyal nga niadto pang Disyembre 3, tuig 2020 ang Philta crisis human gisuspenso sa ITF ang nahisgutang national sports association kon NSA.
Hisayran nga ang ITF suspension, nagsumikad sa pagbaton sa Philta og Board of Trustees kon BOT sa exclusive membership sukwahi sa pagbaton og usa ka regional representation.
Una niini, nagpakitabang ang ITF sa POC aron magmugna og usa ka ad hoc body nga motan-aw sa operasyon sa Philtar dungan sa pagtuon sa charter.

SOURCE: PSN
Photo Source: PNA