President Marcos Jr., mi-angkon nga posibleng motaas ang presyo sa bugas sa nasud!

GI-angkon ni President Ferdinand Marcos Jr., nga posibleng motaas ang presyo sa bugas sa nasud!
Tungod sa damyos nga gibilin ni Bagyong Egay sa agrikultura ug sa El Niño.
Matud ni Presidente Marcos nga nabalaka kini sa supply sa local nga bugas hinungdan nga kinahanglang palig-onon ang stocks aron masiguro nga andam ang Pilipinas sa epekto sa Bagyo ug sa El Niño.
Giklaro pa niini nga nangayo og supply deal ang nasud sa India aron masiguro nga aduna’y bastante sa bugas sa kamerkadohan.
Gipamugos sa Presidente nga angayang mag-import na og bugas tungod nangandam usab karon ang tanang Southeast Asia tungod sa gikabalak-ang worldwide El Niño Phenomenom.

Una niini, gi-abisohan sa opisyal ang mga LGUs nga magsumiter og detalyadong reports kalabot sa agriculture damage ug sa panginahanglanon sa mga mag-uuma.

SOURCE: PHILSTAR
Photo Source: Al Jazeera