Usa patay, usa samaran human gipusil samtang nag-vigil sa Brgy. Dansolihon ning ciudad kagabii!
LDS 1st District Rep. Rahman Alonto-Adiong, namahayag nga bukas pa sa possible motives ang imbestigasyon sa pag ambush kang Gov. Mamintal Alonto-Adiong Jr.!
Patay ang usa ka lalaki ug samaran ang usa ka minor de edad human pusila sa duha ka lalaking suspect samtang nag-vigil sa Purok 3, Brgy. Dansolihon ning ciudad kagabii!
Naila ang biktima nga si Benjie Arejas, 29 anyos, lumulupyo sa susamang Brgy.
Nakaangkon si Arejas og ubay-ubay nga samad pinusilan sa nagkadaiyang parte sa kalawasan samtang samad sa tuo nga paa ang naangkon sa minor de edad nga daling gidala sa JR-Borja General Hospital.
Matud sa amahan niini nga si Beben Arejas nga blanko pa kini hangtud karon sa hinungdan sa kamatayon sa anak.
“..Wala pako nakabalo Sir, kung unsay motibo nila sa akong anak, mao to nga giingnan niya nga “sige lang kay kita ra ta sa bollozos , mao raman iyang sigeg storya pud..”
Beben Arejas, amahan sa biktima
Hisayran nga unom ka fired cartridges ang na-recover sa crime scene.
SOURCE: SBPSB
Photo: Strong Radio 90.3 FM Kusgan
