Mga munisipyo sa Misamis Oriental nga gitugotan magpasulod og backayard hogs sa ciudad, tulo lamang!
TULO lamang ka munisipalidad sa Misamis Oriental ang gitugotan sa Cagayan de Oro City Veterinary Office nga magpasulod og backyard hogs o baboy sa ciudad!
Kini mao ang Claveria, Binoangan ug Medina.
Matud ni City Veterinarian Helen Anne Tacandong nga ang wala malakip sa listahan naka-red zone tungod sa pagkuyanap sa ASF.
“…sa Misamis Oriental ubay-ubay na na mga municipalities ang nag red zone so ang ako lang siguro nga i-mention is ang mga municipalities nga pwede maka sulod sa Cagayan de Oro City which is ang Claveria, Medina and Binuangan so atong mga lechoneros, mga byaheros ato silang gi awhag nga didto lang sila sa mga municipyo nga green zone manguhag stock sa mga lechonon para dinhi sa atoang supply sa Cagayan de Oro City…”
City Veterinarian Helen Anne Tacandong
Giklaru usab ni City Veterinary Head Dr. Perla Asis nga dili basta-basta ma-regulate ang presyo sa lechonon tungod naka-base kini sa supply ug demand.
“…lisod kaayo kung mag engon tag regulated kay diman gud nato ma control ang, sa economics nato ba nga Law of supply and demand, inana gyud na ang dula niana nga kung gamay ang supply taas ang demand mao nang mo taas ang presyo so kung taas pud ang supply gamay ang demand mao nang mo gamay ang presyo unya kita karon di gyud nato ma control kay mura pud sa ASF nga problema mi taas pud, mao na nga lisod pud nga gamay ang presyo parehas sa una mag expect gyud ta nga mitaas gyud siya…”
City Veterinary Head Dr. Perla Asis.
SOURCE: SH&V
Photo Source: Meat+Poultry
Published by: Strong Radio 90.3FM News Center
