Usa ka lalaki, patay human gibunalan og pala sa iyang igsoon!
PAGPUTOL sa saging ang unang hinungdan sa away sa mag-igsoon nga miresulta sa kamatayon sa Gingoog City!
Giila ang namatay nga si Rico Salise ug ang suspek nga si Leonoro Salise.
Subay sa report, nagpala-pala lamang ang suspek sa ilang panimalay apan kalit lamang niabot ang biktima ug gikantyawan kini nga miresulta sa panaglalis.
Rason nga miuli ang biktima sa ilang panimalay ug mibalik gilayon dala ang sundang ug walay pagduha-duhang gitigbas ang suspek apan nakahigayon kini ug gibunalan niini sa makadaghang higayon ang biktima gamit ang pala.
Matud ni Gingoog MPS Station Commander Police Lt. Colonel Mitchel Clemencio nga nabu-ak ang ulo sa biktima hinungdan sa iyang kamatayon.
“..kini siya ang nahitabo gyud family feud. Nag-away ning mag-suon tungod sa ilang bahin nga yuta kay matod pa sa atong imbistigasyon nga kining suspect sige ni siya’g pasanginlan sa iyang mga igsuon nga gapanguha og butang, mga tinanom sa ilang yuta mao nga wala ni siya hatagi og bahin apan niabot na ang punto nga nagkasinabtanay sila nahatagan na siya. Gahapon ang nahitabo ang kining biktima nga namatay nga si Rito Salise, giputol niya ang saging sa iyang igsuon nga kini si Leonoro Salise so gikuha, nasuko kining magulang murag iyang gikasab-an kagahapon so ganinang buntag while na siya nagpala-pala sa ilang balay gi-adtoan kini sa iyang igsuon murag gi-kantyawan nga hangtod nag lalis sila miuli kini iyang igsuon nga kining biktima kining namatay nagdala og sundang. So mao to gitagbo pod ang magulang, nitigbas kining magulang ug gi sagang kini sa magulang naigo ang kamot apan naa may pala ang magulang, nalagpot ang sundang so naka-pabor na dayon ning magulang sa pagbunal sa iyang igsuon gamit ang pala. Base sa initial didto palang murag agi siyag tinigbasan pero diay pala diay siya nabuak gyud ang ulo sa igsuon maoy hinungdan sa kamatayon..”
Gingoog MPS Station Commander Police Lieutenant Colonel Mitchel Clemencio
Sa karun, mitahan na ang suspek sa mga awtoridad ug makitang wala kini pagbasol sa iyang nabuhat.
Daan nang adunay wala pagsinabtanay ang duruha kabahin sa ilang bahin nga luna.
Photo : ABS-CBN
Published by Jam Cutamora Saba
