Usa sa problema sa mga Pinoy ang pagpanakit sa ngipon

ANG pagsakit sa ngipon ang usa sa sagad nga problema sa mga Pinoy!
Lakip sa hinungdan niini ang pagkaguba sa ngipon o impeksyon sa ugat sa ngipon o lagos, pagkalata, paghubag ug pangingilo.
Kini tungod sa mga bacteria nga nabuhi sa mga salin-salin nga pagkaon nga wala nakuha sa ngipon ug sa lagos diin maghimo kining makamugna og asido nga makaguba sa ngipon.
Kasagaran sa makasinati niini dili maka-antos sa kasakit tungod mosaka ang kasakit sa ulo.
Hinuon, ania ang pipila ka home remedies aron sa pagtambal sa sakit sa ngipon.
Una, Kuhaan og duga ang luy-a ug sagolan og tubig ug ibutang kini sa ngipon ug palibot sa lagos.
Ikaduha magmugmog og 3 percent nga agua oxinada o hydroxen peroxide ug isagol kini sa tubig.
Mamahimo usab nga magmugmog gamit ang tubig nga adunay asin.
Kung magpadayon ang pagsakit sa ngipon ug mograbe kinahanglang magpakonsulta na sa Dentista.

Photo : Freepik
Published by Jam Cutamora Saba