“Formal offer of evidence” gitakdang isumiter sa House Prosecution team!

GITAKDANG isumiter sa House Prosecution team ang ilang “formal offer of evidence” karong semanaha!
Kalabot sa impeachment trial ni Vice President Sara Duterte.
Matud ni House lead prosecutor Gerville Luistro nga sa umaabot Byernes ang deadline apan posibleng sayo nila isumiter.
Ang formal offer of evidence nga iduso sa prosekusyon alang kini sa nabiling article 2 o ang kalabot sa dili ma-explain nga kabtangan ni Duterte.
Himuon kini aron pormal nga dawaton sa korte ang mga ebidensya isip kabahin sa opisyal nga record sa kaso.
Hatagan usab sa kahigayunan ang depensa aron mag-object sa mga ebidensya, sa dili pa magdesisyon ang Senate impeachment court kung unsa nga mga dokumento ug testimonya ang dawaton.
Samtang, gibutyag ni Luisto nga pahimuslan sa prosekusyon ang trial break aron mangandam sa cross examination sa mga testigo sa depensa nga sugdan Nobyembre 9.

SOURCE: DZBB
PHOTO: Rappler