Kapitan Raypon, miklaro sa mga batikos nga nadawat mahitungod sa pondo sa SK sa Barangay Macabalan!
GIKLARO ni Barangay Macabalan Kapitan Engr. Saniel Raypon nga advance kining naghatag og pondo sa Sangguniang Kabataan!
Gipresentar sa Kapitan ang mga dokumento nga nagpamatuod nga gahatag sila og pondo sa SK nga kapig 234-thousand pesos matag bulan.
Nag-ugat ang paghatag og katin-awan sa Kapitan sa mga batikos online nga nagtuo nga wala mihatag og pondo ang barangay sa SK rason nga wala nakabayad sa talent fee sa host ug sa mga midaog sa liga sa pipila ka lugar.
Matud ni Raypon nga ipatawag niini ang SK Chairman ug ang mga konsehal niini aron mahatagan og katin-awan ang hisgotanan.
“..nagsugod ang atong panghatag sa maong pondo sa SK, sa month of January kay didto man sila nagkuha kay nag clearing man to sila, naa man to silay clearing sa banko. So una nakong gihatag sa ila, gi endorse nako didto sa ila, sa February 4 gihatag nako ang pondo sa SK January 2026 nga allocation sama sa ilang tax allotment so mao to 234,670.83, nia oh, nahatag na nato ang pondo. Pagka February 11, gihatag usab nato ang pondo sa February, naa diri ang check, naa diri ang deposit check nga gibutang nako sa Landbank, so deposited na gyud na siya. Ang Marso nia pod dinhi sa the same month lang gihapon February 26 ato ng gihatag, murag nag advance nata sa Marso, February 26 ato ng gihatag ang ilang pondo, mao ning cheque sa March nga pondo. Then pagka April the same, sayo gihapon nila gipa kobra, sayo pod nato gi remit, supposed to be ang allocation for the month of April didto pa unta na sa April ihatag pero March 9 atong gipagawas ang maong pondo para sa bulan sa Abril. Sa bulan sa Mayo, April 14 pa nato gihatag, murag sige tag advance, sige tag advance diri sa barangay council, sige tag advance gahatag sa SK kay gasuporta ko sa ilang programa. Ako lang i pa kuan nga wala gyud ta magkulang sa suporta sa SK, wala nato gi pondo ang kwarta gani ga una pa kita og hatag sa SK. Dayun sa bulan sa Hunyo, April 22, naghanyo sila nga kuhaon nila ang pondo sa June ug July kay mao lagi na naay mga programa kini murag gihan-ay nila ni para sa ilang program sa-usa man siguro pag prepara so April pa. Pag abot sa June advance nata taman August, niduol na usab kanato ang SK kay gihangyo nila ang month of September, October, duha ka bulan 464,000 month of September and October, naa ang cheque. Atong tan-awon sa kini palang, 10 na ka bulan ang atong nahatag. So, ang last gihangyo gyud. Last September 15 para sa November, nag advance ra japon, di ara November na gyud oh, November na, naa ang last hatag nato sa Cheque, September 15 that is for November. Kung atong hunahuna-on, ang atong nahatag sa SK karong tuiga, naa pa ta sa bulan sa Oktobre, ang atong nahatag sa ila is mao ni, so sa karong na tuig ha ang atong kulang December na lang so mao ni ang total nahatag nato karong tuiga sa SK 2,581,379.13
Barangay Macabalan Kapitan Engr. Saniel Raypon
SOURCE: BM
Photo: Saniel Raypon
