Dul-an 700 kilograms sa mga karne, nakumpiskar sa kamerkadohan sa ciudad!
MIKABAT sa 681 kilograms sa assorted nga karne ug meat products nga naglangkob sa lokal ug imported nga chicken meat, chevon (goat meat), ug processed meat products ang nakumpiskar sa City Veterinary Office!
Human nakita nga dili maayo ang pagdumala ug paghipos.
Atol sa joint inspection sa mga personahi sa Meat Inspection Division sa City Veterinary Office (CVO) inabagan sa National Meat Inspection Service (NMIS), ug City Economic Enterprises and Business Development Administration (CEEBDA) diha sa Cogon, Carmen ug Puerto public markets bag-ohay lamang.
Matud ni City Vet. Head Dr. Helen Ann Tacandong, nga ang dili maayo nga pagdumala ug paghipos sa mga karne usa ka kalapasan sa Republic Act No. 9296, DA Administrative Order No. 05, ug DA Administrative Order No. 06.
Ang inspection kabahin sa padayon nga pagpatuman sa meat safety standards ingon man ipasiugda ang pagsunod sa mga lagda ug mapanalipdan ang kahimsog ug kaayohan sa publiko nga mga konsumidor.
Alayon sa pagsunod sa insakto nga disposal procedures ug masiguro nga ang maong mga produkto dili na moabot sa mga konsumidor, gidala ang nasakmit nga mga produkto sa Pagatpat Disposal Site.
Nunot niini gipasalamatan sa City Vet ang mga meat vendors nga misunod na sa bag-ong gabayan alang sa insakto nga meat handling ug pagbaligya.
Samtang gipahinumdoman usab ang tanang meat vendors nga magkuha ug i-display sa insakto ang balido nga Meat Inspection Certificate (MIC) o Certificate of Meat Inspection (COMI).
kanunay’ng tumanon ang hustong pamaagi ug pagdumala, paghipos, pagbiyahe, ug pag-display sa karne ug mga meat products
SOURCE: CIO
PHOTO: CIO
