Kagamhanang Probinsyal sa Bukidnon padayong gidili ang pagpasulod sa mga binuhing baboy ug bisan unsang mga produkto niini sulod sa lalawigan!

PADAYONG gidili sa Kagamhanang Probinsyal sa Bukidnon ang pagpasulod sa mga binuhing baboy ug bisan unsang mga produkto niini sulod sa lalawigan!2. Subay sa Provincial Ordinance No. Provincial Ordinance No. 2021-62R(26th SP) “An Ordinance for the Prevention, Mitigation, and Eradication of African Swine Fever in the Province of Bukidnon, Penalizing Acts in Violation thereof, providing funds therefor, and for other purposes.”
Samtang gihatagan Og dakong gibug-aton ang anaa sa Section 5 o ang Prohibited Acts sa maong Ordinansa.
aron malikayan ang pagkaylap sa African Swine Fever (ASF) o bisan unsang makatakod nga sakit sa hayop sulod sa probinsya:
(a) Gidili ang pagpasulod, pag-apod-apod, pagbaligya sa merkado sa buhing baboy, semilya sa baboy, karneng baboy ug mga produkto niini, lakip ang de-lata ug pagkaon nga adunay baboy (luto o hilaw) nga gikan sa gawas sa probinsya sa Bukidnon.
(b) Gidili ang paggamit o pagpresenta og peke, giusab, improperly filled-up o photocopy nga mga dokumento alang sa transport inspection. Gidili usab ang pagsupak, pagdumili, pagpanghadlok, pagpanghasol, paghulga o pag-atake sa mga quarantine personnel samtang nagpatuman sa ilang katungdanan sa mga quarantine checkpoints.
(c) Gidili ang si bisan kinsang indibidwal o entity sa pagbaligya ug karne pinaagi sa online o paghatud niini sa mga panimalay nga walay business permit gikan sa lokal nga pangagamhanan ug rehistro sa Department of Trade and Industry (DTI), subay sa NMIS Memorandum Circular No. 07-2020-012, Series of 2020.
(d) Gidili ang pagsulod sa mga local hog traders (viajeros), tag-iya ug operator sa mga transport carrier ug uban pang sakyanan nga adunay peke nga dokumento, sayop nga deklarasyon sa kargamento o walay hustong mga dokumento nga gikinahanglan sa pagbiyahe basis a Administrative Circular No. 12 s. 2020 sa Department of Agriculture.
(e) Gidili ang pagdala o pagbalhin sa buhing baboy, karne ug mga produkto niini gikan sa usa ka lugar nga apektado sa ASF ngadto sa laing lugar hangtod nga ma-clear ug ma-certify sa Bureau of Animal Industry (BAI) nga kontrolado ug nawala na ang outbreak.
Ang bisan kinsa nga mapamatud-ang nakalapas niini pagasilotan subay sa mga probisyon sa Ordinansa, ug ang mga gidiling produkto pagakumpiskahon.

SOURCE: LGUB
PHOTO: LGU Bukidnon