Senado ug Kamara gimandoan sa Korte Suprema nga magpalabang og balaod batok political dynasty!

GIMANDOAN sa Korte Suprema ang Senado ug Kamara nga magpalabang og balaod batok political dynasties!
Matud ni Supreme Court Spokesperson Atty. Camille Sue Mae Ting nga sa unanimous decision sa justices, gibutyag nga nakahimo og grave abuse of discretion ang duha ka Kongreso tungod pakyas nga makahimo og balaod sa political dynasty.
Giingong 39 na ka tuig nga walay gihimo ang Kogreso kalabot niini.
Gi-emphasized sa Korte Suprema, mandatory o required ang constitutional duty sa Kongreso nga magpalabang og balaod aron idili ang political dynasty tungod gipangayo kini sa Article 2, Section 26 sa 1987 Constitution.
Giila usab sa korte nga dili niini mahimong pugson ang usa ka co-equal branch sa gobyerno nga himuon ang usa ka discretionary act.
Apan gibutyag ni Ting nga majority sa justices nagtuo nga angayan ang mandamus sa gitawag nila nga “highly exceptional case” tungod sa klaro nga grave abuse of discretion ug manifest injustice.

SOURCE: DZBB
PHOTO: SC