4ID Philippine Army, misalmot sa reactivation sa RJSCC, pagpangandam sa BSKE 2026, gipalig-on!
GIPALIG-ON sa 4th Infantry Diamond Division Philippine Army ang pagpangandam sa umaabot Barangay and Sangguniang Kabataan kon BSKE elections!
Human misalmot sa reactivation sa Regional Joint Security Control Center kon RJSCC Region 10 ug 1st Command Conference.
71 ka key officials ug leaders gikan sa COMELEC Region 10, Police Regional Office 10 kon PRO 10, Coast Guard District Northern Mindanao kon CGDNM, ug Unit Commanders sa Joint Task Force Diamond, Joint Task Force Agila, ug Joint Task Force ZAMPELAN nga adunay operational jurisdiction sulod sa Region 10, lakip ang Brigade Commanders ang nagtipok aron palig-onon ang inter-agency coordination, synchronize preparations, pag-assess sa security measures, ug paghisgot sa strategic initiatives aron mapatunhay ang integridad sa eleksyon.
Gipresentar sa misalmot nga ahensya ang ilang nagkadaiya nga pagpangandam, security plans, ug areas nga mas nanginahanglan og koordinasyon.
Gitutokan usab ang posibleng kabalaka sa seguridad ug mga mekanismo aron masiguro ang hiniusa ug epektibong pagtubag sa panginahanglanon sa dili pa, atol ug human sa eleksyon.
SOURCE: 4ID
PHOTO: 4ID
