Tabang alang kang Eala, gipanawagan sa mga Senador!
NANAWAGAN ang pipila ka senador sa gobyerno ug sa Philippine Tennis Association kon PhilTA og suporta alang kang Alex Eala!
Human niini gipili nga mo-representar sa Pilipinas sa 2026 Asian Games sa Nagoya, Japan, inay sa mandatory WTA 1000 China Open.
Sa manifestation nilang Senador Erwin Tulfo ug Bong Go, giawhag ang Philippine Sports Commission kon PSC ug Philippine Olympic Committee kon POC ug uban pang ahensya sa pag-pangita og legal nga pamaagi aron matabangan si Eala kung ipahamtang ang giingong 10-thousand US dollar nga multa sa paglaktaw sa Beijing tournament.
Matud ni Tulfo nga dili angay ibutang ang atleta sa sitwasyon nga kinahanglan niining mamili tali sa nasud ug sa propesyon.
Mihangyo usab si Go sa kadagkuan sa WTA nga hatagan og exemption si Eala sa bisan unsang multa o silot tungod dili angay silotan ang atleta nga nagdesisyon magsilbi sa bandila.
SOURCE: BOMBO
PHOTO: BOMBO
