Reklamo batok DOH Secretary, giduso!

NAGDUSO og reklamo ang Concerned Health Advocates for the Prevention and Control of Tuberculosis sa Office of the Ombudsman batok Health Secretary Brix Pujalte!
Tungod sa pagsuspenso sa pagpalit og 3.2 billion pesos nga tambal sa TB.
Matud sa grupo nga posibleng maka-apekto ang direktiba sa shortages ug pagkadelatar sa tambal alang sa tuberculosis sa nasud.
Gibulgar usab sa complainants ang impormasyon gikan sa whistleblowers nga giingong tinuyo ang pagpahinay sa procurement process aron mopabor sa usa ka prospective private supplier.
Lakip sa reklamong giduso ang grave misconduct, grave abuse of authority, ug conduct prejudicial to the best interest of the service ug paglapas sa Anti-Graft and Corrupt Practices Act.
Gihangyo sa grupo nga mopailawom si Pujalte sa preventive suspension samtang mi-aginod ang imbestigasyon.
Wala pay tubag si Pujalte sa gidusong reklamo batok kaniya.

SOURCE: NEWS5
Photo: Rappler