Pagpatuman og taas nga taripa sa upat ka major suppliers sa bugas sa Pilipinas, gitimbang!
GITIMBANG sa Department of Agriculture kon DA ang pagpatuman og taas nga taripa sa pipila ka imported nga bugas gikan sa upat ka major suppliers!
Lakip niini ang Vietnam aron mapanalipdan ug maminusan ang epekto sa nagkataas nga imports sa lokal nga industriya sa bugas.
Matud sa DA Policy Research Service-Trade Remedies Office kon PRS-TRO nga ang taripa ipaagi sa cash bond, magamit lamang sa mga bugas nga classified ubos sa HS Code 1006.30, semi-milled o wholly milled rice.
Nasuta nga ang imports ubos sa tariff line mikabat og 16.82 million metric tons o 82-percent sa kinatibok-ang import volume nga 20.54 million metric tons atol sa period sa imbestigasyon sugod 2020 hangtud Agusto 2025.
SOURCE: MB
PHOTO: ABS-CBN NEWS
