Usa ka lalaki sa Malaybalay City, Bukidnon gi-anod-patay sa baha!
GI-ANOD-PATAY sa baha ang usa ka lalaki sa Barangay Managok, Malaybalay City, Bukidnon kagahapong adlawa!
Nagpangidaron ang biktima og 47 anyos.
Matud ni Malaybalay City CDRRMO Operations and Warning Division Head Arian Caga-anan nga gipugos pagtabok sa biktima ang mi-apaw nga creek sa ilang Barangay.
Hinungdan nga gi-anod sa baha.
“..Gikasubo nato nga i-report, naa gyud tay usa ka gi identify nga casualty kagahapon, ang sa report nga atong nakuha is gi force niya og tabok ang katong flooded nga area sa ilahang barangay, mao tong naanud siya sa baha, barangay mmanagok to siya nga residente didto sa siya Nakita nga na swipe sa flood water kagahapon sa gabii, Nakita ra pud gyapon ang iyang patay’ng lawas, gikuha sa katong mga responders, gi kuan ang barangay aron ma aware iyang pamilya..”
Malaybalay City CDRRMO Operations and Warning Division Head Arian Caga-anan
Lima (5) ka Barangay ang naapektuhan sa baha kagahapong adlawa ug mo-abot sa kapi’g 200 ka pamilya ang mihikling.
“..Sa atoang data nga nakuha naa tay lima ka affected nga barangay so mao ni ang barangay, gi evact naman ni nato kagahapon up to 7:40 am, naghinay hinay na og pamauli ang mga gi evact nato nga mga pamily sa ilang tagsa2x ka mga panimalay, ang recent nga report naa sa 277 ka family which is composed of moabot og mga 907 ka tao..”
Malaybalay City CDRRMO Operations and Warning Division Head Arian Caga-anan
Gi-deploy na sa Malaybalay LGU ang RDANA team alang sa assessment.
“..As of now deploy sa CDRRMO ang atoang Rapid Damage Assesment and Needs Analysis team, ang details ug data didto, jung unsa gyud ang extent sa damage nga nahitabo gahapon kay aron maka kuan nato ang actual nga cause of damages makahatag napud dayun ta og proper nga intervention sa katong mga naapektuhan..”
Malaybalay City CDRRMO Operations and Warning Division Head Arian Caga-anan
SOURCE: P.I/#27
PHOTO: Philippines Watch
