Pamilya sa motorsiklista nga mibangga-patay sa usa ka sakyanan sa Balingasag Misamis Oriental, desididong magpasaka og kaso!

DESIDIDO ang pamilya sa usa ka motorsiklista nga mibangga-patay sa usa ka sakyanan sa Barangay Talusan, Balingasag Misamis Oriental!
Biktima nailang si Kirk Lloyd Opano, 20-anyos ug lomolopyo sa barangay Cogon sa nasangpit nga lugar samtang ang driver sa pajero naila nga si Rodrigo Jabagat 57-anyos ug residente sa Salay Misamis Oriental.
Base sa initial nga imbestigasyon, nga giingong nag-u-turn ang sakyanan hinungdan nga nag-swerve ang motorsiklo aron malikayan ang sakyanan.
Apan nagpadayon sa pag-u-turn ang sakyanan rason nga nagkabangga.
Matud ni Balingasag Police Station Traffic Investigator Chief Police Staff Sergeant Brielle Bailo nga naka-angkon ang biktima og head injury ug mga bali sa lawas, nga miresulta sa hinanaling kamatayon.

“..Katong motor padulong siya bali ang direksyon niya pa Cagayan de oro city, pag abot sa area naay usa ka Pajero nga nag U-turn, karon iyang nabanggaan tong nag U-turn nga Pajero pero ang bangga nahitabo, didto sa opposite na nga dalan, bali pagkahitabo niani, pagka kita siguro niadtong nag motor nga naay Pajero nga pa U-turn so ni sulod siya sa opposite nga lane, para malikayan niya, ang problema lang kay ang Pajero pud, padayun pud pag U-turn, maotong nagsapon sila didto na sa pikas nga dalan, ang driver sa motor pag abot sa area murag wala na gyud siyay sign nga naa pay kinabuhi, pero gidala gihapon siya sa hospital, didto gideclare jud siya nga dead on arrival, kato gyud iyang head injury, sa akong lantaw nabangga to iyang ulo didto man jud siya ni igo sa atubangan nga ligid, pero sa kilid siya mao tong medyo lig-on gyud na diha dapita, dayun ang iya pong lawas naa puy bali2x..”
Balingasag Police Station Traffic Investigator Chief Police Staff Sergeant Brielle Bailo

SOURCE: #24
PHOTO: Mi Vy Aii fb