Anjo Yllana, gimultahan og 3.5 million pesos sa Korte!
MIPABOR sa TVJ Productions Inc., ang nahimong desisyon sa Mandaluyong City Regional Trial Court Branch 279 sa kasong gisang-at batok Anjo Yllana!
Nag-ugat sa pipila ka facebook live Yllana niadtong 2025, diin nagbuhi kini og nagkalain-laing alegasyon batok nilang Senator Tito Sotto ug pipila ka kanhing kauban sa Eat Bulaga.
Gawas sa pagpagawas og permanent injunction, gimandoan si Yllana nga magbayad og 3.5 million pesos alang sa temperate damages, moral damages, exemplary damages ug attorney’s fee ug litigation expenses.
Gidid-an usab si Yllana, ang mga representante ug uban pang tawo nga naglihok kaniya nga magpagawas, magpaambit, mag-broadcast, o mag-reupload og mga pamahayag sa social media nga makadaot sa reputasyon ug goodwill sa TVJ Productions ug Eat Bulaga.
Pahamtangan og 6 percent legal interest matag tuig ang gipahamtang nga kantidad gikan sa pinal nga desisyon hangtod mabayaran.
SOURCE: NEWS5
Photo: The Philippine Star
