COCPO, miklaru nga wala gigamit ang Patrol Car sa paghatud-sundo og estudyante!
Wala’y kamatuoran nga naghatud-sundo og tinun-an sa City Central School ang nag viral sa social media nga bag-ong police patrol car sa Police Station 5 Macabalan!
Matud ni COCPO Spokesperson Lt. Col Evan Viñas nga subay sa statement sa Commander sa Police Station 5 nga igo lang daling gi-drop sa substitute driver ang kwarta sa City Central School human nanawag ang asawa niini.
Nagpahigayon na usab og kaugalingong imbestigasyon ang COCPO disciplinary authority.
“..ang Cagayan de Oro Police Office magpahibalo sa atong mga kaigsuonan ug mga ma-buot nga lungsoranon nga ang maong substitute nga driver nga naghimo lamang sa pag-quick drop siya nagkuha sa importanteng dokumento sa iyang pagbalik kay lagi maagi-an man niya ang City Central School kay nagtawag iyang asawa nga kinahanglan og kwarta kay ibayad sa bill hinungdan nga nag drop ang maong driver. Ang Station Commander sa Police Station 5 nag-ingon na walay kamatuoran ang giingon sa nagpost ug nagviral diha sa Facebook nga walay kamatuoran nga naghatud ang substitute driver sa iyang anak diha sa tulunghaan ug gani atong COCPO disciplinary authority nagpahigayon og iyang kaugalingong imbistigasyon kabahin ani gitagaan nag diriktiba sa pag-submitar og explanation kabahin aning nahitabo nga nagviral sa Facebook ang maong driver ug mismong Station Commander..”
COCPO Spokesperson Lt. Col Evan Viñas
Photo : iFM CDO
Published by Jam Cutamora Saba
