Damyos sa sunog sa Barangay Lapasan ug Puntod, 1.5 million pesos samtang usa ka senior citizen giingong namatay!
MIKABAT sa 1.5 million pesos ang damyos sa sunog sa boundary sa Barangay Lapasan ug Barangay Puntod ning ciudad!
Particular sa San Isidro Labrador ug St. John Puntod.
Mi-abot sa 4th alarm ang status sa sunog kagabii nga nagsugod sa Barangay Lapasan.
Matud ni CDO City District Fire Marshal Fire Superintendent Christopher Regencia nga base sa inisyal nga report mo-abot sa dul-an 1 hectare o 10,000 square meter ang area nga gilamoy sa kalayo.
More or less gatus ka balay ang nadamyos.
Padayon karon nga imbistigaran ang hinungdan sa pag-ulbo sa kalayo.
“..More or less pud, naa natay 100 structure nga tanan na sila totally damaged. Naa poy partially damage ana niya anang 100 ka balay. Kay as of now, wala pa gyud nato matuyok kay inig plastar na ani, tuyukon nato ang area, sudlon nato ang area para makita jud nato ang entire picture aning nasunugan. Naa tay 23 ka truck, nangayo tag tabang sa gawas. Doul-doul ang Opol ug Tagoloan, mihatag silag duha (2) ka truck ang Misamis Oriental para makatabang sa ato. And all volunteers nga naa karun diri mitabang sila – ang uban nag level, ang uban nag position. Ug ang atong unit sa Cagayan de Oro naa na diri tanan. Kato ganina, under investigation kay naa kitay nadunggan ganina, pag-abot nako sa area naa tay nadunggan nga naa silay gikulata kay mao kuno toy ilang gituohan nga naa didto naggikan ang possible suspected nga origin of fire. Pero as of now, wala pata makakuha gyud ato kay, wala pa gyud nato maadtuhan.Initial pa tanan kay base sa atung imbestigador, gidala na siguro to sa barangay kay gitabangan man og kulata kay naa man daghan isturya or naay daghan marites nga mao kuno to hinungdan tapos naka jumper. Daghan mga speculation pero sa Bureau of Fire, dili mi makaingon ana kay wala mana namo makita gyud ang origin, wala pud namo makita ang balay..”
CDO City District Fire Marshal Fire Superintendent Christopher Regencia
Samtang, giingong usa ka 66 anyos nga lalaki ang Dead on Arrival sa hospital human sa nahitabong sunog.
Matud ni Barangay Lapasan BDRRMO Unit Head Aldrin Vaquilar nga wala pa’y mi-abot nga pamilya sa ilang buhatan aron i-report ang nasangpit nga panghitabo.
“..Pinaagi sa nakuha nga record, natala sa taga Bureau of Fire, amo pod na-obserbahan nga naa didto nga maong incident nga nawad-an sa kinabuhi tungod sa maong sunog. Sa pagkakaron, wala paman poy nagpaabot diri nga pamilya sa pagkahitabo. So, karun diri standby lang sa mi unya atung mga kauban diri sa barangay para pud sa pagpadayun sa pagpa-validate sa uban pang mga biktima nga wala pa sila makaanhi diri sa atung evacuation center..”
Barangay Lapasan BDRRMO Unit Head Aldrin Vaquilar
SOURCE:SR
PHOTO: SR Files
