Pipila ka grupo sa driver sa rehiyon, magtigom atubangan sa LTFRB-10 karong adlawa!

MAGTIGOM ang pipila ka grupo sa mga driver sa buhatan sa Land Transportation Office kon LTFRB-10 alas 9 sa buntag karong adlawa!
Aron ipaabot ang ilang mga katingala ug yangongo mahitungod sa fuel subsidy.
Matud ni UNIDA-10 Regional Coordinator Joel Gabatan nga nahibulong ang mga sakop tungod 1,500 lamang sa 6,500 ang nadawat nga fuel subsidy gikan sa buhatan ug ubay-ubay ang wala makadawat.
Tungod base sa ilang kasayoran managlahi ang 5-mil pesos gikan sa AICS ug 6,500 pesos nga fuel subsidy gikan sa LTFRB.
Gikabalak-an sa grupo ang posibilidad nga gikurakot na ang pondo.

“..Nagkasabot na ang mga driver, ang mga driver nanduol na sa ilang mga leader, magtigom diha sa LTFRB buntag. Among presensya maoy among gipakita sa LTFRB kay sigurado ko nga ang LTFRB, tawag gyud na namo sa mga leader aron hisgotan ang mga nahitabo tungod kay ang mga driver nangita na sa ilang AICS ug katong Fuel Subsidy. Kung ikatag karon nga ang madawat sa Fuel Subsidy 1,500. Natingala ang mga driver kay sauna ang Fuel Subsidy 6,500 gyud na ug mao gyud na ang padangat na idiritso na sa ilang ATM kay naa may ATM card ang mga driver kaniadto, igo nalang nila widrawhon didto sa Landbank. Karon lahi ipadala 1,500, pinaagi sa gcash daghan kay ang wala makadawat, ultimo ang AICS 5-mil, wapa gyud maka-dawat nga mga driver nga nagsulti nga nadawat na nila ilang AICS..”
UNIDA-10 Regional Coordinator Joel Gabatan

Gidugang pa nga walay komunikasyon ang grupo mahitungod sa gipatumang Service Contracting nga nagsugod niadtong miaging semana.

“..wala mao na siyang among katingad-an sab kay giuna nuon nila ang mga modernize nga mga sakyanan..”
UNIDA-10 Regional Coordinator Joel Gabatan

SOURCE: P.I/#8
Photo: SR Files