Palaliton, walay pagtaas hangtod Abril 16, samtang presyo sa karneng baboy posibleng moabot sa kapig 500 pesos matag kilo!
MAGPABILING stable ang presyo sa basic goods!
Apan posibleng mosaka sugod Abril 16.
Matud ni Trade Secretary Cristina Roque nga maglangkob kini sa 205 ka stock keeping units kon SKUs nga gibaligya sa supermarkets, groceries ug online platforms samtang, ang ubang produkto gilauman nga dili magtaas presyo hangtod sa katapusan sa Abril.
Nakigtagbo ang buhatan sa manufacturers ug retailers, nga misiguro sa buhatan nga adunay igong supply ug inventory.
Samtang, giklaro sa Department of Agriculture kon DA nga worst-case scenario lamang ang projection nga moabot sa kapig 500 pesos matag kilo ang presyo sa baboy ug 300 ang manok tungod sa krisis sa Middle East.
Matud sa DA nga puno ang cold storage sa lokal ug imported nga karne ug wala nalakip sa projection ang imported supply.
Nag-alokar usab ang gobyerno og tabang pinansyal ug pondo alang sa mga mag-uuma ug mananagat aron mapugngan ang pagtaas sa presyo.
SOURCE: GMA NEWS/NEWS5
Photo: SR Files
