Libreng sakay, gitanyag sa lokal nga pangagamhanan sa ciudad!

100 percent nga andam ang lokal nga pangagamhanan sa ciudad!
Alang sa ipahigayong transport holiday sa pipila ka transport group karong adlawa.
Matud ni City Information Office kon CIO Head Jade Adeser nga magpatuman ang lokal nga pangagamhanan og libreng sakay alang sa mga apektado partikular sa ruta sa Calaanan-to-Cogon, Centro Iponan, ug Xavier Heights.
Makigkoordinar lamang sa mga barangay official aron direktang makigkoordinar sa City Hall.

“…naa tay ipahigayon nga libreng sakay. Mayor Klarex nihatag og kamanduan nga gamiton ang mga government-owned vehicles aron ma-accommodate ang mga commuters na apektado labi na diha sa may Calaanan, diha sa sentro Iponan, diha sa may Uptown area, diha sa may Xavier Heights kay mao man ni sila ang mga transport groups nga nag-declare tigil pasada lugar as early as 6am until 9pm naa tay gipang-augment…”
CIO Head Jade Adeser

Samtang, mihangyo ang mga driver ug operator nga mamasahero nga dili padaganan ang ruta sa Libreng Sakay ug nangayo og police assistance o visibility tungod sa kahadlok nga I-harass sa mga miduyog sa transport holiday.

“…ni commit man sila nga magpadayon daw ang ilang regular operation gani nihangyo dili daw pabyahe-an og mga libreng sakay kay basin unya og maapektuhan ang ilahang kitaan. Ikaduha nilang hangiyo is police visibility kay basin unya og harason sila atong mga groups daw nga dili mangbiyahe…”
CIO Head Jade Adeser

Giklaro usab sa opisyal nga walay class suspension alang sa pampublikong tunghaan.

“…ipahibalo sa tanan nga wala nag-issue si Mayor Klarex og executive order for the suspension of work and classes. So magpadayon ang regular na operation sa atoang trabaho labi na sa City Hall 8am to 7pm. So sa mga eskuwelahan public schools, wala poy suspension of classes…”
CIO Head Jade Adeser

SOURCE: P.I/#8
Photo: SR Files