Pipila ka grupo sa Pilipinas, gikondenar ang pag-atake sa US ug Israel sa Iran!
GIKONDENAR sa pipila ka grupo sa nasud ang pagpangatake sa Israel ug US sa Iran!
Lakip sa mikondenar ang Bagong Alyansang Makabayan, Akbayan Party ug Partido Manggagawa.
Gipamugos sa grupo nga nakalapas kini sa international law ug risgo sa regional conflict nga makabutang sa peligro sa milyon ka individual-lakip ang mga Overseas Filipino Workers kon OFWs.
Una nang gisiguro ni President Ferdinand Marcos Jr., nga magpadayon ang gobyerno sa pagmonitor sa sitwasyon sa Middle East.
Samtang, andam ang Department of National Defense kon DND ug AFP alang sa repatriation sa mga apektadong Filipino kung gikinahanglan.
Gisiguro usab sa AFP nga walay direktang hulga ang tension sa nasud hinungdan nga dili angayng mag-panic ang publiko.
SOURCE: ABS-CBN NEWS
Photo: GMA Network
