Babayeng nalumos-patay sa Coastal road, Gusa, padayon pang giila!

PADAYONG giila ang usa ka babaye nga giingong nalumos patay sa Coastal Road, Purok 6 Barangay Gusa ning ciudad!
Gibana-banang nagpangidaron ang biktima og 50-anyos.
Base sa initial nga imbestigasyon nakita pa ang biktima nga nagbaklay-baklay ug naglingkod-lingkod sa coastal road.
Una mikanaog sa ubos ug nagtungtong sa mga dagkong bato una napalgang patay.
Naka-angkon ang biktima og samad sa nawong.
Matud ni Agora Police Station Investigator on-case Police Chief Master Sergeant Rex Dalogdog nga duha lamang ka anggulo ang ilang gitutokan posibleng nadigyas ug natumba ang biktima.
Giingong adunay deperensya sa pangisip ang biktima apan kumpirmahon pa kini sa Kapulisan.

“..Sigun sa among pag imbestigar didto sa area, Nakita pa gyud ni sya nga gabaklay didto sa may coastal road dayun, Nakita gyud ni sya nga nag lingkod2x didto sa kilid sa maong coastal road daw pagka taud2x niadto Nakita pud sya, mipanaog sya noh, ang nakakita diay tuod ani taga didto ra gyapon duol sa nahitaboan sa purok 6 gusa coastal road kani si Jonalyn nga korela 35 anyos minyo ug lumolupyo sa maong lugar, siya Nakita padulong kani sa ubos didto kani sya ni lakaw2x, ni tong2x didto sa may mga pile nga dagkong bato katong mo balabag sa balud, mu hampak kilid sa maong coastal road so gibutangan man kana og dagko kayo nga mga bato bantiles nga bato nga dagko kaayo, so didto kini, nagpatong patong, lukso2x, baklay2x, lukso sa pikas bato, lukso sa pikas, unya naa sya Nakita nagtong-tong sa may bato nga didto gyud sa hampakan, didto gyud mo hampak ang balud, pag hampak sa balud, murag saloon niya ang mga pinisik nga tubig sa balud, murag maoy iligo sa iyang kaugalingon so mao tong last nagkita sa atong testigo, pagka taud2x padyon syag pangitag kahoy didto sa maong area nakadungog sya daan nga nagsininggita na, nga naa kunoy babae nga nalumos so pagbalik niya sa area, dili lang layo sa iyang gihimutangan nakita niya didto nga wala na, naa iyang samad sa iyang dagway nga bahin. duha ra among gituohan noh, either naligyas sya natumba o pagka ligyas niya, paghampak sa balud na apil og bunal iyang ulo, mao tong hinugdan sa iyang kamatayon siguro..”
Agora Police Station Investigator on-case Police Chief Master Sergeant Rex Dalogdog

SOURCE: CIO
PHOTO: Jays Gonzaga Galasanay