20 ka terminals sa Northern Mindanao lakip sa na-isyuhan sa notices to comply sa LTFRB!
NAG-ISYU ang LTFRB og show cause orders kon SCO or notices to comply sa 29 ka operators sa bus ug public utility vehicle kon PUV terminals!
Tungod sa poor, inadequate facilities sa mga pasahero.
Human nagpahigayon ang ahensya sa random ug surprise inspections sa bus ug PUV terminals sa tibuok nasud.
Nagtutok sa comfortable waiting areas nga adunay igong proteksyon gikan sa weather conditions, limpyo nga comfort rooms, accessibility sa facilities sa senior citizens ug persons with disabilities, existence sa fire extinguishers and CCTV cameras, luag nga entry ug exit points.
Sa 155 bus ug PUV terminals nga na-inspect nationwide, 87 ang non-compliant sa lagda ug regulasyon sa LTFRB kalabot sa kung unsa nga pasilidad ang angay batunan aron masiguro ang kaluwasan ug komportable ang pasahero.
Kadaghanan sa bus ug PUV terminals nga gi-summoned ug na-isyuhan sa notices to comply ang Northern Mindanao nga adunay 20 ka terminals, Metro Manila 13 ug Calabarzon 12.
Matud ni LTFRB Chair Vigor Mendoza II nga mahimo nang new normal ang regular inspection sa bus ug PUV terminals.
Gimandoan ang tanang LTFRB regional directors sa pagsumiter sa compliance reports ug i-sustener ang inspection efforts hangtud maka-comply ang tanang terminal operators sa required facilities.
SOURCE: GMA NEWS
PHOTO: GMA NEWS
