Mga vendor sa Daumar, Fernandez, ug Justo Ramonal Street ning ciudad, temporaryong isuspenso sugod Pebrero 3!

TEMPORARYONG isuspenso sa ciudad ang pagpamaligya sa mga vendor sa Daumar, Fernandez, Justo Ramonal Street ning dakbayan sugod Pebrero 3!
Base sa na-uyonan tali Night Management Committee ug sa mga mamaligyaay.
Matud ni City Mayor Rolando Uy Spokesperson Jann Guillmore Actub nga pipila sa mga vendor ang padayong nakalapas sa mga patakaran sama sa wala pagsunod sa eksaktong oras nga gitugotan nga makapamaligya, pag-okupar sa mga dalan nga wala tuguti nga baligyaan, paggamit sa dagko nga mga tent ug dili sayo nga paghipos sa basura.

“…Kini nga pag-undang sa Night Market naglangkob sa dalang Daumar, gikan sa Fernandez Street, padulong sa Justo Ramonal Street, ug magpadayon hangtod nga adunay lain nga pahibalo ang Night Market Management Committee. Kini nga pagpaundang sa Night Market nagsumikad sa mga kasupakan, kita sa komitiba, supak sa oras na gitugutan sa pagmamaligya, pag okupar sa mga dalan na wala tuguti nga baligyaan like Capt. Vincente. Street, Jr. Borja Street nga hinungdan sa paghu-ot sa dagan sa traffic kay mangadto naman silang tanan paonhanay gitagaan na markings diha ra taman molahos gyud didto sa Capt. Vicente Roa ug sa Yacapin apil na nuon apektahan ang maong dalan. Ikatulong kasupakan paggamit sa dagko nga mga tent, labaw sa gitugot na sukod, timprano nga dili hipos sa basura, pag makuli sa pagbayad sa sukay sa pipila ka vendors…”
City Mayor Rolando Uy Spokesperson Jann Guillmore Actub

SOURCE: CIO
Photo: Cagayan de Oro City Information Office