Former Senator Revilla Jr., boluntaryong mi-surrender sa Camp Crame!

BOLUNTARYONG mi-surrender si former Senator Bong Revilla Jr., sa mga otoridad sa Camp Crame kagbii!
Gi-ubanan kini sa iyang asawa ug mga anak.
Pag-abot sa Camp Crame, gilayong gisilbi sa CIDG kang Revilla Jr., ang warrant of arrest ug gipahibalo sa iyang katungod.
Gipaubos usab ang kanhi Senador sa standard booking ug documentation procedures ubos sa kustodiya sa CIDG.
Lakip ang gikinahanglan nga medical examination subay sa kasamtangang balaod ug protocols.
Taliwala sa kasub-anan tungod sa giingong kakulangon sa due process, gibarugan ni Revilla Jr., nga wala kini sala.
Nangayo kini sa pag-ampo.

“…nakakalungkot po parang, parang wala yatang due process. Pero ganun pa man haharapin ko ‘to ng walang takot at alam kong hindi ako pababayaan ng Diyos dahil wala po akong kasalanan dito. Hilingin ko lang, hingi ako ng panalangin at patatagin n’yo rin po ang aking pamilya. Hindi ko po mapaliwanag kung ano nararamdaman ko sa totoo lang, napakasakit po para sa akin at para sa aking pamilya…”
former Senator Bong Revilla Jr.

Una nang gipagawas sa Sandiganbayan 3rd Division ang warrant of arrest batok Revilla Jr., ug laing unom ka co-accused.
Kalabot sa kasong malversation of public funds through falsification of public documents.
Lakip sa gi-isyuhan og arrest warrant silang Brice Hernandez, Arjay Domasig, Jaypee Mendoza, Emelita Juat, Juanito Mendoza ug Christina Pineda.
Human nalambigit sa giingong ghost flood control projects sa Pandi, Bulacan.
Nag-issue usab ang Sandiganbayan og hold departure order batok sa nahisgotang mga individual.

SOURCE: NEWS5
Photo: Philstar.com