Unom (6) ka PUPC nga nakapuga sa Police Station 6 Puerto kagahapong adlawa, nadakpan ug balik kustodiya na sa kapolisan!
NADAKPAN ug balik kustodiya na sa kapolisan ang tanang unom (6) ka Persons Under Police Custody kon PUPC nga nakapuga sa Police Station 6 Puerto kagahapong adlawa!
Human nasikop ang ulahing duha (2) ka indibidwal sa Upper Barangay Puerto.
Matud ni COCPO Spokesperson Police Captain Emelita Simon nga nakadawat og impormasyon ang kapulisan gikan sa BPAT nga nagtago-tago ang duruha sa kasagbutan sa nasangpit nga lugar.
Walay pagsukol nga nahitabo tali sa mga pugante ug walay na-recover nga hinagiban sa ilang posisyon.
Una nang nagpahigayon sa joint operation ang kapolisan.
“..Nakuha na gyud ang tanan nga nakalayas sa atong person under costudy nga under sa temporary redention sa Police Station 6, anaa na sila karon sa in full custody sa police station 6, kaning duha nay information gikan sa atong BPAT nga naa rani sila sa kasagbutan sa upper Puerto wala gyud sila naka layo pag ayo, nagtago lang sila sa kasagbutan mao to nga nakuha sa atong mga kooperatiba nga naa sila didto nagtago, ang nag inquire man gud ani sa pag ikyas is kaning nay kaso nga attempted rapekay lage na desperado sya tungod kay ang oiyang pyansa 10,000, nagrequest sya for endigency upon gideny kini iyang request for endigency para maka pyansa sya so mao tong ang kaning uban wala gyuy actually plano nila nga mo layas apan pagka kita daw nila, so ang ila nga na abri naman daw so nag lumbaay na pud sila og dagan wala may narekober nga mga hinagiban wala na pud sila ni attempt og sukol..”
Samtang, hingpit nang milingkod nga hepe sa Police Station 6 Puerto si Police Major Amier Naifh Maruhom kagabii.
Hulip kang Police Major Amanollah Bantuas Jr.
“..Kagabii pa lang nag assume na sa ilahang duty ang atong Station Commander Police Station 6 nga si Police Major Maruhom nga gi install, ni assume na sa iyahang duty sa under responsibility mga alas nuebe sa kagabii..”
COCPO Spokesperson Police Captain Emelita Simon.
SOURCE: P.I/#19
PHOTO: 90.3 Strong Radio Live
