Gadget ban gipatuman sa Malacañang atol sa pagpirma sa 2026 GAA!
NAGPADAYAG og kabalaka ang usa ka grupo sa journalist!
Human giingong gidid-an sa Malacañang ang mga Media sa paggamit og cellphone.
Atol sa media coverage sa pagpirma ni President Ferdinand Marcos Jr., sa 2026 General Appropriations Act kon GAA kagahapong adlawa.
Gipamugos sa National Union of Journalist of the Philippines kon NUJP nga makonsiderar nga babag sa trabaho sa mga media ang pagdili sa paggamit og cellphone o gadgets.
Hisayran, base sa report nga giingong gitugotan lamang mosulod ang mga media kung i-surrender ang mga cellphone ug laptop.
Samtang, giklaro ni Palace Press Officer Undersecretary Atty. Claire Castro nga tanang guest ug dili lamang miyembro sa media ang gipa-surrender sa ilang cellphones.
Pagpasabot ni Castro nga naka-livestream ang nahisgutang event ug nakit-an sa tanan hinungdan nga walay isyu kalabot sa transparensiya niini.
Nahimong mas maayo ang nahisgutang programa tungod ang tanang naimbitahan naka-focused sa pagpirma sa Presidente.
Misunod gilayon ang press briefing ug natubag ang tanang pangutana sa media.
SOURCE: ABS-CBN NEWS/NEWS5
Photo: PPA POOL
