Subling pagtungtong sa bulan (moon) una matapos ang 2028, target sa Amerika!

GIPIRMAHAN ni US President Donald Trump ang executive order nga nagtakda sa tinguha sa Amerika nga subling makapadala og astronaut sa bulan (moon) una matapos ang 2028!
Tinguha usab niini nga pakusgan ang depensa sa nasud batok sa bahad sa kawanangan.
Gi-titulohan og “Ensuring American Space Superiority” ang kamandoan.
Gitahasan ang Pentagon ug US intelligence agencies nga magmugna og space security strategy, suportaran ang missile-defense technologies ug palig-unon ang koordinasyon sa national security sa kawanangan.
Gipalig-on usab sa kamandoan ang programa sa NASA nga Artemis- nagtinguha nga magtukod og unang parte sa permanente nga lunar outpost pagtungtong sa 2030.

SOURCE: BREAKING DEFENSE
PHOTO: BOMBO