Ex-DPWH Undersecretary Cabral, napalgang-patay sa Benguet!
NAPALGANG-PATAY ex-DPWH Undersecretary Catalina Cabral!
Human giingong nahulog sa pangpang sa Kennon Road, Tuba Benguet.
Matud sa Benguet Police Provincial Office nga ulahing nakita duol sa lugar si Cabral, alas tres sa hapon kagahapong adlawa.
Napalgan ang lawas niini sa kilid sa Bued River, alas-otso sa gabii.
Samtang, gidetalye sa driver ni Cabral ang katapusang higayon nga nakitang buhi ang agalon.
Matud ni Cardo Hernandez nga mibyahi sila sa Baguio gikan og Metro Manila aron mag-relax.
Sa ilang paglibot, nagpabilin si Cabral sa Kennon Road ug sa iyang pagbalik human ang usa ka oras wala na sa lugar ang agalon.
Gisulayan sa driver pagpangita si Cabral ug nangayo’g tabang sa kapulisan.
“..pagdating dito po ng alas-tres bumaba po siya, nagpaiwan sakin, bago ko naman iwan, nakaupo po siya do’n sa may bato, sabi niya balikan ko na lang siya, pagbalik ko po siguro one hour, nakita ko binalikan ko wala na po dito, ‘di ko naman alam naman ganun po ang mangyayari, wala wala naman po siyang kinukuwento sa akin na ano kung meron siyang problema wala naman po kinukuwento sa akin..”
Cardo Hernandez, driver ni ex-DPWH Undersecretary Catalina Cabral
Dumdoman si Cabral ang usa sa mga opisyal sa DPWH nga gilambigit sa flood control project scandal.
SOURCE: NEWS
Photo: SenatePh
