Zaldy Co ug laing opisyal sa Sunwest, gideklarar nga pugante!

GIDEKLARAR nga pugante sa Sandiganbayan Fifth Division si former Ako Bicol Party-list Rep. Zaldy Co ug tulo ka Board of directors sa Sunwest Incorporated!
Gimando sa korte ang gilayong pagkanselar sa passports sa nahisgotang suspetsado.
Samtang wala usab gitugotan sa Sandiganbayan ang hangyo sa prosecution nga i-consolidate ang graft ug malversation cases batok Co ug mga opisyal sa Department of Public Works and Highways kon DPWH ug Sunwest kalabot sa anomalosong flood control projects sa Oriental Mindoro.
Pagpasabot sa korte, dili mahimong madelatar ang mga pagdungog, mahimong kumplikado ang mga issue ug ma-atubang ang mga akusado sa mga walay kalabotan nga testimonya kung tugotan ang consolidation.
Gipamugos sa korte nga dili mahimong mohangyo si Co, ilawon sa “fugitive disentitlement doctrine”.

SOURCE: GMA NEWS
PHOTO: bicol.politiko