Dugang 48 ka dokumento sa flood control scandal, nadawat sa ICI!
NAKADAWAT ang Independent Commission for Infrastructure kon ICI og dugang dokumento gikan sa Philippine National Police kon PNP!
Kalabot sa anomalosong flood control projects sa nasud.
Gibutyag sa ICI nga nagsumiter og 48 ka boxes ang PNP sa dokumento naglangkob sa 11 ka report sa walo ka probinsya, naglakip sa Masinloc Zambales, San Agustin Romblon, San Jose Occidental Mindoro, Noveleta Cavite, Imus Cavite, General Trial Cavite ug Rodriguez Rizal.
Kini ang ikatulong batch sa dokumento gikan sa PNP-Criminal Investigation and Detection Group kon PNP-CIDG isip resulta sa technical evaluation nga gipahigayon sa giingong “ghost” flood control projects sa gobyerno.
Base sa markings sa pipila ka boxes nga gi-turn over sa ICI, naglakip ang dokumento sa contractor sa Sunwest Incorporated, nga nalambigit kang former Congressman Zaldy Co.
SOURCE: ABS-CBN NEWS
Photo: Manila Standard
