Delegasyon sa Pilipinas sa Para games, mibyahe na!

MIBYAHE na ang unang batch sa Philippine delegation sa 2025 Asian Youth Para Games sa Dubai kagahapong adlawa!
Samtang, mobyahe ang nabiling atleta karong adlawa.
Gilangkoban ang delegasyon sa 67 ka myembro, lakip ang 48 ka atleta nga mosalmot sa dula sa United Arab Emirates kon UAE.
Lakip sa mibyahe kagahapong adlawa ang mga atleta ug opisyales sa para archery, boccia, goal, para powerlifting, para swimming ug para table tennis, samtang karong adlawa ang mga athleta gikan sa wheelchair basketball 3×3, ug para badminton.
Panguluhan ang Philippine contingent ni chef de mission Milette Santiago-Bonoan, kauban nilang Philippine Paralympic Committee President Mike Barredo ug secretary-general Goody Custodio.
Hisayran, 1,500 ka para athletes gikan sa 35 asian countries ang gilaumang mosalmot sa 5th edition sa dula nga molungtad hangtod Disyembre 14.

SOURCE: ABS-CBN NEWS
Photo: Sports Corner PH