Pagsaka sa presyo sa imported nga bugas sa merkado, gikumpirmar sa CUMVA!

GIKUMPIRMAR ni Cogon United Market Vendors Association kon CUMVA President Engr. Franklin Dagcuta nga misaka ang presyo sa imported nga bugas sa kamerkadohan!
Tungod gi-banned ang importasyon.
Matud ni Dagcuta nga sa karon mapalit ang imported nga bugas sa 1, 500 pesos.
Gipasabot niini nga ang gibaligya karon sa merkado kadtong mga bilin-bilin sa bodega.

“..Kompermado gyud na nga naay pagsaka sa bugas pero ang nisaka nga bugas kato rang mga imported nga rice gumikan kay gi ban naman ang importation, meaning kung gi ban walay sulod nga mga imported rice, kanang mga
bugas karon nga gibaligya sa market. mao kana ang mga bilin2x nalang sa mga bodega nga makita nato which is normal naman na sa mga negosyante once magka hurot ang kana nga klase sa bugas, kusog ang demand, ila man gyud nang sakyan nga ilang gipasaka, actually dili na pagkuha nila mahal, barato pana sa una kay sa wala pa gipagawas ang pag ban sa importation, barato ra man na sa una, mapalit raman na sa una og 960, 940, karon kay mopalit ka anah karon og naa kay makit-an, naa sa mga 1,500, dako jud ang pagsaka..”

Apan dili angay nga mabalaka tungod barato ang presyo sa local nga bugas.

“..Pero actually, dili ta mabalaka kay ang atong local rice barato man, nasakay man sa srp, ang atong srp is 45 pesos, nasakay man kay naa gani 32 sa akong tindahan,naa koy baligya 32 nga local, nay 35, 37, 38 so ang nisaka kato rang imported..”

CUMVA President Engr. Franklin Dagcuta.

SOURCE: P.I/#27
PHOTO: GMA NEWS