Road clearing operation sa CEO ug DPWH sa Barangay Dansolihon magpadayon; Residente sa Barangays Iponan ug Canitoan mihikling human misaka ang lebel sa tubig sa Iponan River kagabii!

MAGPADAYON ang City Engineering Office kon CEO ug Department of Public Works and Highways kon DPWH sa road clearing operation sa Barangay Dansolihon ning ciudad!
Human sa nasinati-ang landslide kagahapong adlawa sa Purok 2 ug Mangalay Bridge.
Matud ni CDRRMD Head Nick Jabagat nga passable na kagabii ang dalan.

“…passable na siya maka agi na ang 2 lanes sa highway, ang diri sa pikas sa Mangalay bantayunon pa. So far reported sa atoang office pero ongoing ang atong assessment kauban ang DPWH…”
CDRRMD Head Nick Jabagat

Samtang, pipila ka residente sa Barangay Iponan ang mihikling human misaka ang lebel sa Iponan River kagabii.
Hinuon wala mi-abot sa critical level ang tubig apan nakasulod sa ubang balay.

“…and sa Iponan kagabii naay mga pipila ka pamilya, mga individuals nga namakwit sa Bolao Elementary School kay naay pagsaka sa tubig kagabii…”
CDRRMD Head Nick Jabagat

Siento-otcho (108) ka pamilya ang gi-assist sa Baranagy Canitoan.
Human lakip sa nakasinati sa pagsaka sa lebel sa tubig sa Iponan River.
Matud ni Barangay Canitoan Kapitan Lancelot Padla nga tulo ka Zona ang apektado.
Gihulatan usab nila karon ang listahan sa apektadong residente sa Scions.

“..naa kitay natala na 108 ka pamilya na na-apektahan wala pag gali labot ani ang sa Scions kay wala man sila miadto didto sa atong evacuation center. Nag-total kini siya og 420 ka indibiduwal pero amo gihulatan ang list ani sa Scions kay tua raman sila sa ilang dapit lang sa ilang mga panimalay nag-standby kagabii..”
Barangay Canitoan Kapitan Lancelot Padla

SOURCE: #27&16
Photo: Cagayan de Oro City Information Office