14 anyos nga lalaki nga nagmotorsiklo sa Zone 1-A Danao, Barangay Patag, Opol, Misamsi Oriental, nalatayan-patay sa wing van truck!

NALATAYAN-PATAY sa wing van truck ang usa ka 14 anyos nga lalaki sa Zone 1-A Danao, Barangay Patag, Opol, Misamis Oriental!
Base sa report nga papauli ang biktima sa ilang balay sa Mother Divine Mercy Village, Danao Barangay Patag.
Matud ni Opol Municipal Police Station Investigator on Case Police Staff Sargeant Daryl Cariliman nga susamang paingon sa nasangpit nga Barangay ang wing van ug ang motorsiklo nga gimaneho sa menor de edad.
Apan pag-abot sa nahitaboan sa insidente, giingong mi-overtake ang 14 anyos sa nag-unang wing van sa subidahon ug kurbada nga dalan ug tungod sa basa-basa nga dalan natumba kini ug napaingon ilawom sa truck.
Hinungdan nga nalatayan ang ulo niini.
Nabantayan na lamang sa driver nga mi-untol na tumoy nga bahin sa gimanehong truck.
Temporaryong anaa sa kustodiya sa kapolisan ang driver sa wing van.

“.. Ang duha ka sakyanan padulong sa may patag nagsunod ni sila, ang truck nag-una dayun sunod ang motor, pag-abot sa may kung aha ang insidente nahitabo, ang ingon sa nakakita no-overtake daw ning motor unya kay pasaka man nga portion nga dalan, pag-abot didto sa area, na basa-basa ang kalsada, natumba ang motor, pagka tumba, didto sya natumba sa ilalum sa truck mao to nalatayan sa truck apil ang motor, maoy hinungdan sa iyang kamatayon, sa ulo..”

Opol Municipal Police Station Investigator on Case Police Staff Sargeant Daryl Cariliman.

SOURCE: P.I/#27
PHOTO:Dan Cris Balgos Santelian