Dalan sa landfill, Barangay Pagalungan ning ciudad, gi-mentenar karon sa CEO!

GI-MENTENAR sa City Engineering Office ang dalan sa landfill, Barangay Pagalungan ning ciudad!
Aron mahimong mas sayon ang pag-agi sa garbage truck nga maglabay sa basura.
Matud ni City Engineering Office Head Engr. Joel Momongan nga nagporma ang buhatan og dalan, agi-anan sa tubig ug nag-montar sa gahi nga materials aron dili malapok.
Sa karon 24 oras maagi-an ang dalan sa landfill.
Una nang gibutyag nga napasagdan sa kanhi contractor sa basura ang nasangpit nga dalan.

“..ang atong gihimo karon mao na nagkalapok man gud na sauna kay wala na establish sa atong previous na atong ah contractor, wala nila na maintain ang drainage no sa agianan sa tubig kung asa gikan napasagdan lang nga diha ning agi sa atong kadalanan. So mao na nga nahitabo nga ang atong dalan puno gyud sa lapok. So ang engineering karon nagbutang, nag porma kita sa atong dalan, nagporma kita sa atong mga agianan sa tubig noh kung asa siya modagan para dili madisturbo ang atong kadalanan. Now usa atong gimaintain no, nagbutang kita’g mga materials, kay dili mana diretso-diretso mas semento or atong sementohon man pod galing dili pod practical kay it’s because mobalhin-balhin ang atong landfill. Sa pagkakaroon nagmaintain kita, nagbutang kita mga materyales nga gahi nga dili siya malapok. Kanunay sa kanunay kay atong tan awon gi kwenta kwenta nako ah October 15 naay mga 120 ka trucks nga ni agi didto. 120 ka trucks gasaka sa atong landfill, so mao na nga time to time kung naay maguba nga dalan, automatic naa kita’y grader, naa kita’y pison. naa kita’y dump truck, naa kita’y bulldozer o kinahanglan so ah para mag maintain lang sa dalan nga dili siya ah malapok…”
City Engineering Office Head Engr. Joel Momongan

SOURCE: CIO
Photo: Dadhie Macarns Vlog