17 ka seniors na-rescued sa giingong dili luwas ug hugaw nga pasilidad sa Maramag, Bukidnon!

NA-RESCUED sa Department of Social Welfare and Development kon DSWD ang 17 ka seniors sa giingong dili luwas ug hugaw nga pasilidad sa Maramag, Bukidnon!
Gipahigayon sa buhatan ang operasyon niadtong Sabado human gi-report nga ang nakahatag risgo sa panglawas ug well-being sa seniors citizens ang care facility.
Nasuta usab sa DSWD nga kulang sa tukmang registration ang care facility isip social welfare and development agency.
Base sa inspection sa ahensya niadtong Pebrero ug Abril ning tuiga, nakalapas ang pasilidad sa safety, standards nga naglakip sa paghatag og hygienic toilets ug sleeping quarters.
Kulang usab sa case management system, occupational safety standards, documentation sa client-residents, ug qualified caregivers.
Gidala na sa DSWD-managed facilities ug local residential centers ang mga na-rescued nga seniors.

SOURCE: GMA NEWS
PHOTO: GMA NEWS