Gobyerno sa French, mi-collapsed sulod sa 14 ka oras!
MI-COLLAPSE ang gobyerno sa French sulod sa 14 ka oras!
Human mi-resigned kagahapong adlawa si France New Prime Minister Sebastien Lecornu ug ang iyang gobyerno, oras human gi-anunsyo ang iyang cabinet line-up.
Nahimo kining pinaka-mubo nga administrasyon sa modern French history ug nakapalawom sa political crisis sa nasud.
Nahitabo ang wala gilauman nga resignation human susamang nanghulga ang ka-alyado ug kaatbang nga pukanon ang bag-ong gobyerno.
Daling gi-aghat sa opposition parties si President Emmanuel Macron nga mo-resign o nanawagan og snap parliamentary election diin giingong walay lain nga pamaagi aron makalingkawas sa krisis.
Si Lecornu, ang ika-lima nga Prime Minister ni Macron sulod sa duha ka tuig.
Mi-trabaho kini sulod lamang sa 27 ka adlaw ug milungtad ang gobyerno niini og 14 oras.
Nag-highlight sa divisions sa French parliament human ang ikaduhang pinakadako nga ekonomiya sa euro zones naglisod sa paghan-ay sa ilang panalapi.
SOURCE: GMA NEWS
Photo: Hungarian Conservative
