Tanang opisina sa DPWH, gipasumiter og dokumento sa Infra projects!
GIMANDOAN ni Department of Public Works and Highways kon DPWH Secretary Vince Dizon ang tanang opisina sa buhatan nga magsumiter og dokumento!
Kalabot sa anomalosong flood control projects ug uban pang infrastructure projects sa nasud sa milabay’ng napulo ka tuig.
Maglangkob ang dokumento sa bidding, kontrata ug uban pa.
Human nasuta sa imbestigasyon sa Independent Commission for Infrastructure kon ICI nga giingong gi-tamper o gi-doktor ni Baguio City district Engineer Rene Zarate ang pipila ka flood control records.
Kasamtangang gipailawom si Zarate sa preventive suspension ug gihan-ay sa buhatan ang administratibo ug kriminal nga kaso nga isang-at batok sa opisyal.
Gimandoan usab ang tanang Regional directors ug District Engineers nga sigurohon nga na-preserbar ug available upon request ang mga datos nga naglangkob sa milabayng napulo ka tuig.
Matud ni Dizon nga kung pakyas ang mga opisina nga makasumiter, ipailawom ang mga opisyal sa preventive suspension ug pasakahan og kaso.
“…issued a memo directive all offices in DPWH from central office, regional office and district offices to preserve and submit to the ICI all documents related not only flood control but all infrastructure projects ng nakaraang sampung taon. At pag sila ay hindi sumunod kung ano yung nangyari kay Rene Zarate mangyayari sa kanila at silay ikakasuha namin administratively at criminally at sila ay immediately is-suspend..”
DPWH Secretary Vince Dizon
SOURCE: ABS-CBN NEWS
Photo:Pinoy Builders
