Disgrasya sa Sitio Cabula, Barangay Lumbia ning ciudad, tulo ka tawo patay!

PATAY ang tulo ka indibidwal sa disgrasya nga nahitabo sa Sitio Cabula, Barangay Lumbia ning ciudad!
Human nadiskaril ang usa ka dump ruck nga adunay karga nga balas.
Base sa report nga padulong og centro sa ciudad ang mga biktima sakay sa ilang motorsiklo samtang pabahada ang truck.
Matud ni Judy Mugot, 36 anyos driver sa truck nga paingon kini og Talakag Bukidnon aron ihatud ang gikarga nga balas.
Apan nawad-an og air brake ang sakyanan.
Gisulayan pa niini sa paglikay hinungdan nga mibaliktad.
Kanunay na kining ga-agi sa nasangpit nga dalan apan karon pa nakamaneho sa nasangpit nga dump truck.
Samtang, naila na ang usa sa tulo ka biktima nga nakabsan sa kinabuhi.
Biktima giilang si Kimberly Magurin, nga nagtrabaho sa Barangay Carmen, usa sa backrider sa motorsiklo.
Matud ni COCPO-Traffic Enforcement Unit Investigator Police Master Sergeant Joseph Israel Lumapas nga wala pay nasabotan ang mga biktima ug ang driver sa truck.

“…gapadayon ta sa pagimbestigar sa panghitabo on going ang investigation ani, subo lang ang duha ka biktima niini wala pa nato na identify ang isa ka driver sa motor nga gitohang nag drive sa Yamaha motorcycle hangtud karon wala pay nag claim. Tulo ni sila gibali ang nakabsan sa kinabuhi duha ka babae isa ka lalaki…”
COCPO-Traffic Enforcement Unit Investigator Police Master Sergeant Joseph Israel Lumapas

SOURCE: SRLIVE
Photo Source: SRLIVE